सिरहा जिल्लाको लहान नगरपालिका वडा नं १३ गणेशपुर घर भएकी ५३ वर्षिय सुगाबती चौधरीको घरमा श्रीमान सहित एक छोरा, एक बुहारी, ३ नातिनातिनाहरु लगायत ७ जनाको परिवार रहेको छ ।
उहाले २ वटा छोरीको बिहे पनि गरिसक्नुभयो । श्रीमान नेपाल टेलिकमको रिटायर कर्मचारी भएका कारण श्रीमान श्रीमतीले यसरी बस्नु भन्दा बरु केही गर्नुपर्ने योजना बनाउनु भयो ।
त्यो समयमा ओरेकले तरकारी खेती, झोलमोल बनाउने तालिमहरु संचालन हुने खबर आयो । नमुना गाउँ गणेशपुरकी सदस्य र सरस्वती कृषक समुहको सदस्य समेत रहेको कारण तरकारी खेतीको तालिम लिने अवसर पाउनु भयो ।
यो तालिमसँगै उहाँले विभिन्न विषयमा तालिम, अभिमुखिकरण र गोष्ठीहरुमा सहभागी हुन पाउनुभयो ।
“यसरी तालिमहरु लिएर मेरो कुरा गर्ने शैली र बोल्ने क्षमतामा परिवर्तन भयो । गाउँको प्रायजसो समाजिक कार्यहरुमा मेरो अगुवाई पनि हुन थाल्यो ।"
सँगै आफुले लिएको तरकारी खेतीको तालिमबाट व्यवसायिक रुपमा खेती गर्ने योजना बनाउनु भयो । गाउँभन्दा दक्षिण ८ कठ्ठा जग्गा छ त्याहाँ श्रीमानश्रीमती व्यवसायिक तरकारी खेती सुरुवात गर्नु भयो । तालिम लिएको कारण विशादीरहित तरकारी खेतीलाई प्राथमिकता दिई ३ वर्ष अगाडि मासिक १० हजार आम्दानी हुन थालेको थियो ।
अहिले मासिक १५ हजार भन्दा बढी आम्दानी भइरहेको छ । त्यति मात्र हैन ओरेक र अरु संस्थाहरुको कार्यक्रमहरुमा जादाँ सबैले चिनेको कारण वडा सदस्यको लागि सजिलै टिकट पाएर जितेर काम पनि गरिरहेकोे मुसुक्क हास्दै भन्नु भयो ।
अहिले उहाँ राजनितिसँगै आफ्नो तरकारी खेतीलाई प्राविधिक रुपमा अझै राम्रो बनाउने र बेमौसमी खेतीलाई राम्रो गर्नको लागि दिनरात खटि राख्नु भएको छ । सँगै महिला हिंसा विरुद्धको अभियानमा लाग्नुभएको छ ।
महिलाले गर्ने श्रमको सम्मान र मान्येता हुने वातावरण सिर्जना गरौं। लैंगिक समानता र महिलाको उधम्सिलता विकाशका लागि राष्ट्रिय लैंगिक समानता नीतिलाई स्थानीय देखि राष्ट्रिय तहसम्म प्रभावकारी रुपमा कार्यान्वयन गरौं।