ओरेकमा यस बन्दाबन्दीको समयमा १०९ वटा बलात्कारका घटना अभिलेखिकरण भएका छन् । जसमा ८ वटा सामुहिक बलात्कार र ९ वटा वैवाहिक बलात्कार सम्बन्धी घटनाहरु रहेका छन् । बलात्कार जस्तो जघन्य अपराधमा संलग्न व्यक्तिहरुमध्ये सबैभन्दा बढी ४७ प्रतिशत (६४ जना) छिमेकी रहेका छन् । यस्तैगरि १२ प्रतिशत (१७ जना) आफ्नै परिवारका सदस्यहरु, बुवा (७), दाजु (३), ससुरा (२), परिवारका अन्य सदस्य (५) घटनामा संलग्न रहेको पाईएको छ । । ९ वटा प्रमि ठानिएको व्यक्ति, ३ वटा घटना सेवा प्रदायक, ३ वटा शिक्षक, र ३१ वटा घटना अन्जान व्यक्तिबाट भएको पाईएको छ ।
बलात्कारका घटनामा सबैभन्दा बढी २९ प्रतिशत (४० जना) १७ देखि २५ उमेर समुहका युवाहरु रहेको पाईएको छ । यसैगरि २६ देखि ३५ बर्ष उमेर समूहका २७ जना, ३६ देखि ४५ बर्ष उमेर समूहका १८ जना, ४६ बर्ष भन्दा माथिका उमेर समूहका १४ जना र उमेर समूह थाहा नभएका ३५ र १६ बर्षभन्दा कम उमेर समूहका २ जना संलग्न भएको पाईएको छ ।
समाजमा महिलाप्रति रहेको असमान दृष्टिकोण र व्यवहारको कारण महिलाको शरीर जसले, जसरी र जुन बेला पनि प्रयोग गर्न सक्छ भन्ने सोचको विकास गरेको छ । देशमा लोकतन्त्र आएता पनि महिलालाई घर देखि राष्ट्रसम्म दोस्रो दर्जाको व्यवहार गरिन्छ । महिलाको हैसियत अझ समान हुन सकेको छैन । यहि स्थिती र महिलाप्रति रहेको असमान सोचले छोरी, श्रीमती, बहिनी, बुहारी प्रेमीकामाथि समेत बलात्कार गर्न पुरुषलाई मनोबल प्रदान गरेको छ । बलात्कार जस्तो निकृष्ट मानव अधिकार हनन्का घटनामा पनि पीडित परिवारले घटना दर्ता गर्न संघर्ष गर्नुपर्ने स्थिती छ । प्रभावितलाई समाजमा हेर्ने दृष्टिकोण र गरिने व्यवहार अमानविय र निन्दनीय छ । बलात्कारमा संलग्न व्यक्तिलाई नै दोष र विभिन्न लाल्छना लगाउने प्रवृत्ति हावी छ । जसका कारण पीडितले आफुमाथि भएको अन्याय विरुद्ध बोल्न र न्यायका लागि लड्न
ठुलै शाहस, प्रतिबद्धता र हिम्मत जुटाउँनु पर्ने हुन्छ । यो अवस्थाले बलात्कार गर्ने व्यक्तिको मनोबललाई उच्च बनाउन र प्रभावितलाई यस्ता घटना विरुद्ध बोल्न र न्यायका लागि लड्न निरुत्साहित गरेको छ ।
यस अवधीमा ओरेकले ५७ वटा जिल्लाहरुबाट ७३० जना महिला तथा बालिकामाथि भएका विभिन्न प्रकारका हिंसाको घटना अभिलेखिकरण गरेको छ । जसमध्ये ४२४ वटा घरेलु हिंसा, १०९ वटा बलात्कार, ७४ सामाजिक हिंसा, ३१ आत्महत्या, २७ यौन दुव्र्यवहार, २५ बलात्कारको प्रयास, १६ हत्या, ११ साईबर अपराध, ४ हत्या वा आत्महत्या पुष्टि हुन बाँकि, ४ हत्याको प्रयास, ३ मानव बेचबिखन, २ आत्महत्याको प्रयाससँग सम्बन्धीत घटनाहरु रहेका छन् । महिला पुनस्र्थापना केन्द्र (ओरेक) द्वारा सञ्चालन गरिएको ३ वटा हटलाईन, मनोविमर्शकर्ता, महिला मानव अधिकार रक्षक, साझेदार महिला सामुदायीक संघसंसस्थाहरुबाट, यी घटनाहरु अभिलेखिकरण गरिएको हुन् । यी मध्ये ८७ वटा घटनाहरु सञ्चार माध्यमबाट संकलन गरिएका हुन् । गत दुइ हप्ता (जेष्ठ २५ असार ५ गते सम्म) मा १०६ जना महिला तथा बालिकामाथि विभिन्न किसिमको हिंसा भएको तथ्याँक प्राप्त भएको छ ।