आप्रवासी महिला श्रमिकको वर्तमान अवस्थाको वारेमा सुसुचित गर्नु र वैदेशिक रोजगारीलाई सुरक्षित तथा मर्यादित बनाउन स्थानीय सरकार तथा सरोकारवालाको भूमिका लाई जिम्मेवार वनाउने उद्देश्यले चैत्र ६, २०७४ का दिन ओरेक नेपाल र गैर सरकारी संस्था महासंघ नेपालको संयुक्त आयोजनामा मोरङ्गको विराटनगरमा अन्तरक्रिया कार्यक्रम गरिएको थियोे । उक्त कार्यक्रममा गैर सरकारी संस्था महासंघ नेपाल,  प्रदेश नं १ का कार्यसमिति सहस्यहरुका साथै स्थानीय संघ संस्था, ट्रेड यूनियन लगायत तेह्थुम, इलाम, झापा र मोरङ्ग जिल्लाका २३ जना सरोकारकावा निकायका प्रमुख तथा प्रतिनिधिहरुको उपस्थिति रहेको थियो ।
कार्यक्रममा उपस्थित प्रतिनिधिहरुले आ–आफ्नो जिल्लाको वैदेशिक रोजगारको अवस्था, समस्या र न्यूनीकरण लागि वैकल्पिक उपायको बारेमा विचारहरु राखेका थिए । यसै क्रममा एमनेस्टी इन्टरनेशनलका पूर्व महासचिव श्री डिक घिमिरेले वैदेशिक रोजगारीका लागि सीपयुक्त जनशक्ति तयार गरी पठाउनुपर्ने र वैदेशिक रोजगारीमा भएका अनियमिततालाई व्यवस्थित गर्न ठोस कदन चाल्नु पर्ने भन्दै  कामदारले श्रम स्वीकृति वापत तिरेको रकम श्रमिककै हितमा लाउनुपर्ने कुरामा समेत जोड दिनुभएको थियो । यसैगरी ट्रेड यूनियनका प्रतिनिधि द्वय श्री निलम ढुङ्गेग र रमेश आचार्यले महिलाले विदेश या स्वदेश मा स्वतन्त्रपूर्वक काम गर्न पाउनुपर्ने कुरामा जोड दिँदै नेपाल सरकार र अन्य संस्थाले वैदेशिक रोजगारमा जाने संख्या धेरै भएको क्षेत्रलाइ केन्द्रमा राखेर कार्यक्रमहरु बनाउनुपर्नेमा जोड दिनुभएको थियो । यसरी नै उपस्थित सम्पूर्ण सहभागीहरुल्ो श्रमिकको हक हितको लागि काम गरिरहेका ट्रेड यूनियन र नेपाल सरकारको बिचमा आप्रवासी कामदारको हितको लागि स्पष्ट खाका र कार्यक्रम बनाउनुपर्ने, विदेशमा रहेका दुतावास र श्रम सहचारी को कामको प्रभावकारीतामा नेपाल सरकारले जोड दिनुपर्ने, स्थानीय सरकारले वैदेशिक रोजगारलाई मर्यादित र सुरक्षित बनाउनका लागि विशेष प्राथमिकताका कार्यक्रम ल्याएर श्रमिकको हितको लागि काम गर्नुपर्ने साथै स्थानीय तहमै रोजगारका अवसरहरु सृजना गर्न निर्वाचित जनप्रतिनिधिहरु संवेदनशील हुनुपर्ने कुरामा पनि जोड दिएका थिए ।