लहान १२ मंसिर ।
ओरेक नेपाल सिरहाको आयोजनामा सामाजिक मुल्यमान्यतामा आधारित हानिकारक परम्परागत अभ्यास अन्तरगत बाल विबाह तथा दहेज विरुद्ध पालिका स्तरीय अन्तरक्रिया कार्यक्रम सम्पन्न भएको छ ।
समानताको पुस्ता, बलात्कार विरुद्धको एक्यबद्धता नाराका साथ २८ अन्तराष्ट्रिय १६ दिने महिला हिंसा विरुद्धको अभियान २०१९ को अवसरमा उक्त कार्यक्रम गरेको हो । परियोजना कार्यालय सिरहाकी कार्यक्रम संयोजक ज्याति तिवारीको अध्यक्षमा आयोजना भएको कार्यक्रममा प्रमुख अतिति विष्णुपुर गाउँपालिकाकी उपाध्यक्ष अरहुला देवी सिंहले रहेकी थिइन् । ५ वटै वडाका वडा अध्यक्ष, सदस्यहरुको उपस्थितिमा सम्पन्न भएको कार्यक्रममा महिला निगरानी संजाल, स्थानिय लगायत ५१ जनाको उपस्थिति रहेको थियो ।
प्रमुख अतिथि सिंहले “बाल विबाह, दहेज, बहुबिवाह, बोक्सीको आरोपका घटनाहरुले महिलाहरुलाई निकै समस्यामा पारेको छ । त्यसको लागि न्यायिक समितिबाट न्याय दिने काम गरिरहेको छ । यसका लागि ओरेक नेपालले गठन गरेको ५ वटै वडामा महिला हिंसा निगरानी संजाल मार्फत सचेतना मूलक अभियान संचालनका लागि अगामी आ.व. का लागि २ लाख ५० हजार वजेट छुट्याई सँगै अभियानमा हुने प्रतिवद्धता जनाएकी छिन् ।”
त्यस्तै बालबिबाह तथा दहेजलाई न्युनिकरण गर्नका लागि शिक्षामा जोड दिनुका साथै आफ्नो मानसिकता परिवर्तन गरी आ आफ्नै घरबाट अभियानको थालनी गर्नु पर्ने विष्णुपुर गाउँपालिकाका वडा नं. १ को वडा अध्यक्ष गोविन्द यादवले बताए । उक्त अन्तरक्रिया कार्यक्रम ओरेक नेपाल सिरहाकी कार्यक्रम अधिकृत देवकुमारी महराले संचालन गरेकी थिइन् ।