लहान १७ मंसिर
ओरेक नेपाल, सिरहा युथ नेपाल र समग्र जन उत्थान केन्द्र लहानको संयुक्त आयोजनामा हानिकारक समाजिक मुल्य मान्यता विरुद्ध र्याली तथा अन्तरक्रिया कार्यक्रम माडरमा मंसिर १६ गते सम्पन्न भएको छ ।
समानताको पुस्ता, बलात्कार विरुद्धको एक्यबद्धता नाराका साथ २८ अन्तराष्ट्रिय १६ दिने महिला हिंसा विरुद्धको अभियान २०१९ को अवसरमा उक्त कार्यक्रम गरेको हो । आयोजक संस्था सिरहा युथ नेपालकी उपाध्यक्ष शसिरितरामाझी सदाको अध्यक्षतामा कार्यक्रम सम्पन्न भएको छ ।
कार्यक्रममा जिल्ला प्रशासन कार्यालय सिरहाको प्रतिनिधि, जिल्ला न्यायधिवक्ता, जिल्ला प्रहरी कार्यालय सिरहाको प्रतिनिधि, मानवअधिकारकर्मी, महिला अधिकारकर्मी, निर्वाचित जनप्रतिनिधि, संचारकर्मी, किशोरी समूम, महिला समूह, युवा समूह र स्थानिय लगायत ५ सय भन्दा बढीको उपस्थिति रहेको थियो ।
उक्त कार्यक्रममा समग्र जन उत्थान केन्द्रको तर्फबाट बाल बिवाह तथा दहेज प्रथा विषयक कचहरी नाटक मंचन गरिएको थियो । जसमा समाधान दर्शकहरुले नै गरेको थियो । १६ दिने अभियानको आठौ दिन गरेको उक्त कार्यक्रममा स्वागत मन्तव्य ओरेक नेपाल सिरहाकी कार्यक्रम अधिकृत देवकुमारी महराले गर्नुभयो भने कार्यक्रम संचालन समग्रको रामभरोसी महतोले गर्नु भएको थियो ।