असार २९, लहान ।
५ दिन देखि लगातार आउँदै गरेको वर्षाको कारण सिरहाको जनजिवन प्रभावित भएको छ । सिरहा जिल्लाको तीन नगरपालिका र दुई गाउँपालिकामा बाढीले बढी क्षति पुगेको छ । लहान नगरपालिकाको वाड नं.१, २, ११ र १२ त्यस्तै सिरहा नगरपालिकाको १४,१५,१६ र १७ , कर्जन्हाको २,७,८ र ११, कल्याणपुर गाउँपालिकामा ५ र ६ , त्यस्तै औरही गाउँपालिकाको वाड नं. ४ मा बढी क्षति पुगेको हो । बाढीले गर्दा सिरहामा एक जनाको मृत्यु भएको छ भने ५हजार भन्दा बढी घरधुरी विस्थापित भएको जिल्ला प्रशासन कार्यालय सिरहाले जनाएका छन् ।
बाढीबाट प्रभावितका लागि मानव अधिकार संरक्षण केन्द्र सञ्जाल सिरहाले आकस्मिक बैठक बसी सञ्जालको राहत कोष खडा गर्ने निर्णय गरेको हो । बाढी र पानीका कारण विस्थापित भएको परिवारको अवस्था विश्लेषण गरी अति जोखिममा रहेका परिवारहरुको तथ्यांक संकलन गरी उक्त कोषमा जम्मा भएको रकम सहयोग गर्ने सञ्जालको सचिव रामभरोसी भहतोले जानकारी दिनुभयो ।