मोरङ्ग जिल्लामा क्रियाशील महिला फेडेरेशनका सदस्यहरुलाई परियोजना प्रस्तावना तथा प्रतिवेदन लेखन सम्वन्धि ५ दिने तालिम आयोजना गरियो । २०७६ बैशाख २६ देखी ३० गते सम्म विराटनगरमा आयोजना गरियो । जिल्ला समन्वय समितिका अधिकृत सरोज गौतम, सामाजिक विकास मन्त्रालय, प्रदेश नंं १ महिला बालबालिका महाशाखाका दुर्गा बराल, मदन भण्डारी स्मृति प्रतिष्ठानका रुद्र तामाङ्ग र ओरेक मोरङ्ग परियोजना कार्यालयका जिल्ला संयोजक लालबहादुर बि.क. दीपक, कार्यक्रम अधिकृत सरस्वती दनुवार र लेखा अधिकृत मधुमाया कटुवाल मन्जूले सहभागिहरुलाई स्थानीय निकायमा वजेट विनियोजनका चरण र प्रक्रिया, महिला अधिकार र वर्तमान कानूनी व्यवस्था, स्थानीय तहमा महिलाको मुद्धा कसरि पत्ता लगाउने , परियोजना प्रस्तावना तथा प्रतिवेदन लेखन, मानव अधिकार र वजेट निर्माणका वारेमा जानकारी गराउनु भएको थियो । यस क्रममा सहभागिहरुले प्रस्तावना लेखनको अभ्यास समेत गरेको थिए । तालिम पश्चात घर फर्किएर आफु आवद्ध महिला फेडेरेशनकालागि आगामी आ.व. २०७६÷७७ कालागि स्थानीय तहमा कार्यक्रम मागका लागि प्रस्तावना पत्र लेखेर पेश गरेका थिए । महिला फेडेरेशनका सदस्यहरु तथा प्रतिनिधि गरि यस कार्यक्रममा दलित पुरुष १, महिला ५, जनजाति पुरुष १ महिला ७, व्राम्हण, क्षेत्री पुरुष १ महिला १३, सहित पुरुष ३ र महिला २५ गरि कूल जम्मा २५ जना प्रत्यक्ष रुपमा सहभागि भएका थिए ।